Aguah, phung hđeh bi lông klei hriăm Khoa học tự nhiên, amâodah Khoa học xã hội, tlam phung hđeh bi lông klei tue. Jih 3 klei bi lông Khoa học tự nhiên, Khoa học xã hội lehanăn klei tue jing bi lông hŏng hdră trắc nghiệm sơăi. Hlăm anăn, klei bi lông Khoa học tự nhiên mâo 3 mta klei jing Vật lý, Hoá học lehanăn Sinh học; klei bi lông Khoa học xã hội mâo klei hriăm Lịch sử, Địa lý lehanăn klei hriăm Giáo dục công dân hŏng hđeh hriăm sang hră trung học phổ thông, amâodah klei hriăm Lịch sử, Địa lý hŏng hđeh hriăm sang hră mjuăt bi hriăm nanao.

Grăp klei bi lông mơ̆ng Khoa học tự nhiên, Khoa học xã hội mâo mmông bi lông jing 50 mnĭt. Tui si phŭn bruă sang hră mơar ksiêm yap mơ̆ng phŭn bruă sang hră mơar ênoh jih jang hđeh ngă hră mơar bi lông Khoa học tự nhiên jing êbeh 323 êbâo čô hđeh, lehanăn ngă hră mơar bi lông Khoa học xã hội jing êbeh 566 êbâo čô hđeh. Hlăm hrue mbrue, Phŭn bruă sang hră mơar mâo leh hrăm trŭn mơĭt truh kơ phung khua kiă kriê knơ̆ng bruă sang čư̆ êa dŭm boh čar, ƀuôn prŏng lŏ hyuă bi kjăp hĭn bruă răng mgang klei êđăp ênang kơ jih klei bi lông jih gưl 3 thŭn 2023 leh mâo hĕ klei hluh ƀrôč akŏ klei bi lông Ngữ văn lehanăn Toán hlăm hla pŏk./.