Klei bi lông mđung asăp kluôm ala tal 16 mphŭn pŏk hdră bi lông mđung asăp klă anăp
Thứ ba, 08:54, 09/07/2024
VOV Tây Nguyên
VOV Tây Nguyên
VOV4.Êđê - Hlăm hdră Klei bi lông mđung asăp kluôm ala tal 16 thŭn 2024 mâo Sang mđung asăp blŭ Việt Nam bi hgŭm hŏng Anôk bruă sang čư̆ êa čar Thanh Hoá mkŏ mjing, aguah 8/7, Sang mđung asăp – mđung rup čar Thanh Hóa mphŭn pŏk Klei bi lông mđung asăpklă anăp.
Klei bi lông mdung asăp klă anăp mâo klei hgŭm mơ̆ng 33 êpul, hdră bi lông anei amâo djŏ knŏng čiăng hưn mdah klei thâo mơ̆ng pô gai hdră hŏng klei nao hgŭm mơ̆ng phung tuê mâo jak iêu ƀiădah lŏ ba asăp hưn mthâo kơ ai êwa hdĭp hlăm dŭm mta bruă klei mrâo, bruă mâo yang ƀuôn mđing dlăng.
Pô mă bruă klei mrâo Trần Minh Hùng – Kơiăng khua Knơ̆ng Sang mđung asăp blŭ Việt Nam brei thâo, dŭm êpul bi lông mâo leh klei mprăp kluôm, jăk jĭn kơ klei bi lông mbĭt anăn mñă, mđung asăp klă anăp ba ai êwa hdĭp truh kơ mnuih ƀuôn sang, jĕ giăm hŏng mnuih ƀuôn sang. Hdră bi lông mđung asăp klă anăp dưi mkŏ mjing hlăm 3 hruê, mơ̆ng ară anei truh kơ hruê 11/7, dŭm klei bi lông dưi mđung ti mmông anăn mtam, livestreams hlăm dŭm kdrăp hâo hưn./.
Viết bình luận