VOV4.Êđê- Ƀri Êpul bi ala Gưl dlông Bruă kƀĭn ala Lao hrie čhưn lehanăn mă bruă ti Việt Nam, lehanăn nao hlăm “Thŭn bi mguôp hgŭm bruă” Bi hdơr 60 thŭn Hrue mkŏ mjing klei mjĕ mgiăm, lehanăn 45 thŭn Hrue kuôl kă hgŭm mbĭt hgŭm bruă Việt Nam – Lao, tlam mbrue (19/7) Êpul bi ala bruă kƀĭn ala Việt Nam mâo k’iăng khua bruă kƀĭn ala Trần Thanh Mẫn ngă khua êpul mâo leh klei trông čhai hŏng Êpul khua bi ala bruă kƀĭn ala Lao mâo Sunthon Seinhachăk, k’iăng khua bruă kƀĭn ala Lao ngă khua êpul. Hŏng klei čang hmăng mđĭ hĭn klei hgŭm dua ala čar hlăm wưng kơ anăp, dua bruă kƀĭn ala lŏ dơ̆ng hlue ngă tŭ jing klei leh bi tŭ ư plah wah dua phŭn bruă kđi čar thŭn 2022, klei bi tŭ ư bruă kƀĭn ala dua ala čar, bi đru hlăm bruă mkŏ mjing hdră êlan, kiă kriê klei bi kơrŭ bruă duh mkra, bi kjăp bruă pui kmlă, bruă sang hră mơar, bruă mdrao mgŭn, klei bi mguôp phung ƀuôn sang, lehanăn klei hgŭm alŭ wăl dua anah, boh nik klei bi mguôp bruă kƀĭn ala, Êpul gơ̆ng bruă ƀuôn sang dua ala čar./.

Pô mblang: Y-Khem Niê