Alŭ wăl anei jing leh anôk mnia mblei jăk hŏng Việt Nam lehanăn ară anei dưi yap jing anôk mnia mblei kjăp leh hŏng pô. Mâo 28 ala čar mơ̆ng Ngŏ Ơrôp truh kơ krah Asi, hŏng ênoh mnuih jih jang hlăm brô 400 êklăk čô mnuih hŏng ênoh GDP mâo giăm 4.500 êklai USD. 9 mlan thŭn 2023, klei bi mnia mblei plah wah Việt Nam hŏng dŭm ala čar alŭ wăl Asi – Ơrôp truh 9 êklai USD. Hlăm anăn Việt Nam čhĭ mnơ̆ng kơ alyŭ wăl anei truh êbeh 6 êklai USD; blei mnơ̆ng mơ̆ng alŭ wăl anei truh 3 êklai USD. 

Phŭn bruă duh mkra mnia mblei mâo leh bruă klam kiă kriê jih jang klei hgŭm duh mkr amnia mblei dua nah lehanăn lu tĭng ti alŭ wăl anei, lŏ dơ̆ng bi mguôp kjăp hŏng dŭm anôk bruă djŏ tuôm, lehanăn mđrăm mbĭt hŏng phung duh mkra păn kjăo lehanăn klei găl mrâo, ruh mgaih klei dleh dlan, klei gun kpăk čiăng mtrŭt mđĭ klei duh bi liê lehanăn bi mnia mblei./.