Klei bi trông kah mbha klei thâo hlue ngă Hdră kñăm ala čar krĭng kwar Krah -Lăn Dap Kngư
Thứ năm, 10:27, 20/04/2023
VOV Tây Nguyên
VOV Tây Nguyên
VOV4.Êđê- Tlam 19/4, Knơ̆ng bruă djuê ana leh anăn Knơ̆ng bruă sang čư̆ êa čar Quảng Ngãi bi hgŭm mkŏ mjing klei bi trông kah mnha klei thâo hlue ngă hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng čư̆ čhiăng wưng 2021 - 2030, wưng I: mơ̆ng thŭn 2021 truh thŭn 2025, mơ̆ng 19 čar krĭng kwar Krah - Lăn Dap Kngư
Anei jing klei bi kƀĭn čiăng kơ dŭm alŭ wăl ti krĭng kwar Krah - Lăn Dap Kngư, hlăm anăn čar Quảng Ngãi kah mbha klei thâo, hdră ngă mbruă, lač kơ klei dleh dlan, lông dlăng mơ̆ng alŭ wăl čiăng kơ dŭm anôk bruă gưl dlông duah hdră ruh mgaih.
Khua phŭn bruă – Khua dhar bruă djuê ana Hầu A Lềnh čang hmăng lŏ dơ̆ng mâo klei đru mguôp klă mngač mơ̆ng dŭm alŭ wăl. Ƀuăn rơ̆ng bi hgŭm kjăp hŏng dŭm anôk bruă gưl dlông leh anăn anôk bruă djuê ana ti alŭ wăl, boh nik krĭng kwar Krah - Lăn Dap Kngư leh anăn Ngŏ kwar Dhŭng gĭr hlue ngă tŭ dưn leh anăn bi leh 100% dŭm hdră kñăm hlăm Hdră mtrŭn mrô 1719/QĐ-TTg hruê 14/10/2021 mơ̆ng Khua knŭk kna./.
Viết bình luận