VOV4.Êđê - Mkŏ mjing klei bi trông hŏng akŏ “Mđĭ hĭn bruă klam mơ̆ng yang ƀuôn hrăm mbĭt bi răng mgang kan hdang, mnơ̆ng dhơ̆ng hdĭp hlăm êa, lehanăn čoh čuăn mta mtrŭn dưn yua bruă trah mă kan djŏ hŏng klei bhiăn hŏng Êpul hgŭm phung trah mă kan Việt Nam, lehanăn hdră mđĭ kyar mơ̆ng Êpul hgŭm lu ala čar, keh răng mgang wăl hdĭp mda tar rŏng lăn, hdră đru ba dŭm mta bruă điêt mkŏ mjing aguah mbrue (9/6) ti čar Quảng Ngãi. Ti anôk trông čhai, phung khua kiă kriê, bruă sang čư̆ êa alŭ wăl, lehanăn phung ƀuôn sang hrăm mbĭt bi trông kơ hdră êlan kiă kriê kan hdang mnơ̆ng dhơ̆ng hdĭp hlăm êa, lehanăn čoh čuăn mta mtrŭn dưn yua trah mă kan bi djŏ klei bhiăn hlăm wăl êa ksĭ ktuê hang. Hlăm anăn, dŭm êpul êya yang ƀuôn mâo bruă klam bi răng kriê kan hdang, bi kdơ̆ng hŏng klei trah mă kan soh hŏng klei bhiăn. Blŭ hrăm ti anôk bi kƀĭn anei, Trần Đình Luân, Khua knơ̆ng kiă kriê bruă kan hdang lač, yang ƀuôn bi mâo bruă klam kjăp hlăm klei răng kriê kan hdang, mnơ̆ng hlăm êa bi jăk ktuê hang ksĭ./.

Y-Khem pô mblang