VOV4.Êđê- Aguah mbrue (25/5), ti Hà Nội, Phŭn bruă kahan ksiêm, lehanăn Dhar bruă kiă kriê klei hâo hưn gưl dlông hgŭm leh mkŏ mjing klei trông čhai kreh knhâo gưl ala čar “Êpul kahan ksiêm yang ƀuôn hlăm bruă cách mạng Việt Nam”. Êbeh 100 klei čih mơĭt kơ anôk trông čhai, bi êdah ênŭm kơ jih hdră čiăng bi hlak, lehanăn mâo klei klă sĭt kơ bruă mkŏ mjing êpul kahan ksiêm yang ƀuôn hŏng klei knhăk, mâo klei thâo khăp mă bruă hŏng klei kluôm ênŭm, mâo klei bhiăn. Bi klă: Hlăm dăl wưng bi blah, rŭ mdơ̆ng lehanăn mđĭ kyar, êpul kahan ksiêm yang ƀuôn mâo nanao klei gĭr, mghaih msir djăp mta klei dleh dlan, jih ai tiê mă bruă kơ phung ƀuôn sang, bi năng hŏng 16 boh blŭ yuôm bhăn, mâo knŭk kna bi mni “Kahan ksiêm Việt Nam mnêč mbruă, jhŏng kmlăn, kyua lăn čar, kyua phung ƀuôn sang, mă bruă knuă wơr asei mlei”. Anei klă sĭt jing klei thâo gĭr jih ai tiê, mâo bruă klam, hŏng lu hdră êlan, bi êdah klă knhuah siam čiăng hlak mblang truh kơ klei mkŏ mjing êpul kahan ksiêm yang ƀuôn, knhăk kjăp, ênuk mrâo mrang./.

         Pô mblang: Y-Khem Niê