Khua bi ala Việt Nam ti Prăng Đinh Toàn Thắng bi mni kơ klei gĭr ktưn mơ̆ng phung leh anăn êpul hlăm mbĭt đru mguôp mkŏ mjing klei bi trông. Khua bi ala lač anei jing klei yuôm bhăn prŏng phung Việt Nam hdĭp ti ala tač êngao, boh nik mnuih ala tač êngao ti Ơ Rôp, bi êdah klei khăp leh anăn klei bi mguôp hŏng mnuih ƀuôn sang Việt Nam ti ala tač êngao hŏng ƀuôn sang, lăn čar, leh anăn hŏng dŭm akŏ prŏng mơ̆ng ala čar, djuê ana.

Dŭm klei ksiêm hriăm lač kơ lu mta klei kơ Êa ksĭ Ngŏ leh anăn bruă kơ klei dưi plao ksĭ Việt Nam, ksiêm dlăng dŭm klei hƀuê ênuk, dhar kreh, kđi čar leh anăn hdră bhiăn. Êa ksĭ leh anăn klei dưi kơ êa ksĭ jing bruă dưi mđing dlăng amâo djŏ knŏng hŏng Việt Nam ôh ƀiădah hŏng jih jang dŭm ala čar mâo knông lăn hlăm êa ksĭ. Hŏng 14 čô dưi hưn mdah, bi trông đru mguôp ba kơ phung ƀuôn sang dŭm klei dlăng leh anăn klei mĭn čiăng hrăm mbĭt mkŏ mjing leh anăn mđĭ kyar mơ̆ng tur knơ̆ng bi mpŭ kơ klei dưi leh anăn lăn čar./.