Hruê 19/5, ti ƀuôn prŏng Quy Nhơn, čar Bình Định, Anôk bruă mkŏ mjing gưl dlông bi hgŭm hŏng bruă Đảng čar Bình Định mkŏ mjing klei bi trông “Bruă mđĭ kyar Đảng hlăm hđeh sang hră, sinh viên krĭng kwar Krah - Lăn Dap Kngư”.  Phung khua gĭt gai dŭm sang hră gưl prŏng ti kwar krah - Lăn Dap Kngư lač, bruă mđĭ kyar Đảng viên hlăm hđeh sang hră, sinh viên hlăm wưng êgao mâo sang hră mđing dlăng, đru mjing mđĭ kyar đảng viên. 

Khădah hdră mtô bi hriăm hmăo kơ bruă êdam êra, bi kƀĭn sa anôk mơ̆ng phung sinh viên ană ka hmao ƀuh mta mrâo. Dŭm klei blŭ hlăm klei bi kƀĭn bi mklă kơ hdră msir hrăm mbĭt leh anăn kah mbha klei thâo kơ klei mđĭ kyar đảng viên hlăm hđeh sang hră, sinh viên. Trương Thị Mai, Khua Dhar bruă mkŏ mjing gưl dlông mtă, hlăm wưng kơ anăp dŭm bruă Đảng čar, ƀuôn prŏng čar leh anăn Gưl bruă đảng dŭm sang hră gưl prŏng, gưl 3 ti krĭng kwar Krah - Lăn Dap Kngư brei mđing hĭn kơ bruă mđĭ kyar Đảng hlăm hđeh sang hră, sinh viên.