Nao čuă leh anăn mă bruă ti čar Gunma, Khua knŭk kna Phạm Minh Chính brei thâo, ñu ƀuh jăk êdi hŏng dŭm boh tŭ dưn mđĭ kyar bruă duh mkra ala ƀuôn mơ̆ng čar, hŏng kơhưm jing sa hlăm dŭm anôk bruă duh mkra prŏng hĭn ti Japon. Khua knŭk kna bi myuôm bruă sang čư êa čar mâo nanao klei hur har, čŏng pô mtrŭt mđĭ klei bi mguôp hŏng Việt Nam hlăm djăp mta bruă. Hlăm wưng kơ anăp, Khua knŭk kna hmăng hmưi dŭm knơ̆ng bruă čar Gunma, Japon, hŏng klei hriăm, klei ktang leh anăn kơhưm pô srăng lŏ dơ̆ng đru, mbĭt anăn pŏk mlar dŭm mta bruă bi mguôp mrâo.

Bi klă Việt Nam jing anôk mnia mblei jăk leh anăn đĭ kyar, Khua kiă kriê čar Gunma mñă klă srăng lŏ dơ̆ng mkŏ mjing êpul knơ̆ng bruă hriê čuă Việt Nam, mtrŭt mđĭ klei duh bi liê, mnia mblei plah wah dua lăn čar, hmăng mhưi knŭk kna Việt Nam mkŏ mjing klei găl čiăng kơ knơ̆ng bruă čar Gunma duh bi liê kơ Việt Nam leh anăn mâo lu hĭn knơ̆ng bruă Việt Nam duh bi liê kơ čar Gunma.