VOV4.Êđê- Adŭ bruă knŭk kna mrâo mâo leh klei hưn mthâo mrô 57 kơ klei klah čŭn mơ̆ng khua knŭk kna Phạm Minh Chính ti anôk phung khua kiă kriê knŭk kna bi kƀĭn kơ hdră “Mkŏ wĭt bruă knŭk kna duh mkra, hlăm anăn boh phŭn jing êpul grŭp duh mkra, knơ̆ng kiă kriê bruă knŭk kna duh mkra wưng thŭn 2021 – 2025”. Hlăm klei blŭ klah čŭn anei, Khua knŭk kna mñă kơ bruă bi leh klei bhiăn mă bruă, hdră êlan bi djŏ, rơ̆ng kơ bruă duh mkra mơ̆ng knŭk kna jing pô klam phŭn, anôk bruă mơ̆ng knŭk kna duh mkra jing knơ̆ng, ƀrư̆ hrue ƀrư̆ mă bruă mâo klei tŭ dưn hĭn, hluê djŏ hŏng hdră êlan mơ̆ng Đảng. Mkŏ wĭt jih jang bruă phŭn, boh nik mđing hĭn tal êlâo kơ dŭm anôk duh mkra awăt êdu, ngă bruă amâo mâo mnga, lŏ bi kjăp lehanăn mđĭ kyar klei duh mkra mnia mblei ti dŭm êpul grŭp, knơ̆ng bruă prŏng mâo leh anăn knăl jăk. Bi mlih hdră êlan mă bruă hŏng klei kjăp, mkrum ngăn, mkŏ wĭt hdră êlan mă bruă. Ngă klei mkrum ngăn hŏng klei kjăp, mă bruă bi tŭ jing./.

Pô mblang: Y-Khem Niê