Anăn jing mta phŭn dưi bi êdah hlăm klei êmuh leh anăn wĭt lač klei êmuh mơ̆ng klei kƀĭn tal 16 Êpul gơ̆ng bruă ƀuôn sang čar lg gưl 10 mkŏ mjing hruê mbruê. Mơ̆ng akŏ thŭn truh kơ ară anei, čar Lâm Đồng ƀuah mkra 15 klei, hŏng 21 čô djŏ tuôm hŏng klei brei čan prăk mnga ktrŏ, đĭ 9 klei ngă soh mkă hŏng wưng anei thŭn dih.

Čil Bri, pô bi ala Êpul gơ̆ng bruă ƀuôn sang ti kdriêk Di Linh, čar Lâm Đồng lač, klei anei dleh dưi ksiêm dlăng, amâodjŏ knŏng ti ƀuôn prŏng ƀiădah wăt kơ dŭm ƀuôn êlan krĭng taih kbưi, krĭng mnuih djuê ƀiă hlăm čar. Ti anăp boh kiei anăn, čiăng kơ anôk bruă kahan ksiêm srăng mđĭ hĭn bruă gang mkhư̆, bi kdơ̆ng leh anăn mkhư̆ phung ngă soh măk ƀai anei. Čiăng mđĭ hĭn bruă bi kdơ̆ng, ƀuah mkra phung brei čan prăk mnga ktrŏ ti čar Lâm Đồng, Đại tá Trương Minh Đương lač čiăng mâo klei nao hgŭm wăt bruă kđi čar, klei bi mguôp mơ̆ng dŭm anôk bruă djŏ tuôm.