VOV4.Êđê - Dơ̆ng truh leh hrue mlan pŭr mơak kơ phung hđeh, wưng anei, anôk čhĭ mnia mnơ̆ng kơ hđeh hlăp ti Gialai hlăk mâo čhĭ lu mta mnơ̆ng, mnơ̆ng hđeh hlăp mâo djăp mta, ƀiădah amâo mâo jăk ƀuh ôh mnơ̆ng hlue knhuah đưm. Tui si klei ksiêm dlăng ti anôk čhĭ mnia êlan Phan Đình Phùng, ƀuôn hgŭm Tây Sơn, ƀuôn prŏng Pleiku dŭm hrue anei mjhĭt m’uăt nao blei mnơ̆ng.

Hŏng mnơ̆ng hđeh mâo lu mta lehanăn ênoh čhĭ yuôm đĭ knŏng ƀiă hlăm brô 10%. Hlăm jih jang mnơ̆ng anăn amâo mâo jăk ƀuh ôh mnơ̆ng hlue knhuah đưm. Pô čhĭ mnơ̆ng Đặng Thị Thuỳ Dương, lač, mnơ̆ng čhĭ yuôm hĭn jing pui hruh bi êran hŏng pil mâo ênoh mơ̆ng 50 êbâo truh 140 êbâo prăk sa boh. Lu rup truă ƀô̆ mâo ênoh mơ̆ng 20 êbâo truh 25 êbâo prăk; akŏ anak rai mâo ênoh 150 êbâo prăk truh êbeh 1 êklăk prăk tui hlue mta./.

Y-Khem pô mblang