Mblang kơ klei čih mkra Hdră bhiăn, Khua phŭn bruă Dhar kreh, mjuăt ktang asei mlei lehanăn hiu čhưn ênguê Nguyễn Văn Hùng brei thâo, mkă hŏng Hdră bhiăn bruă klei mrâo ară anei mâo 6 Mta 61 klei snăn Klei čih mkra hdră bhiăn bruă klei mrâo (mkra mlih) mâo 4 mta, 50 klei (hrŏ 2 mta, 11 klei), hlăm anăn: Krơ̆ng kjăp mta phŭn 9 klei, mkra mlih mta phŭn 38 klei, thiăm mrâo 3 mta, klah čŭn 6 mta.

Kơ klei kčah mtrŭn kriê dlăng kjăp hdră ngă bruă klei mrâo, rơ̆ng boh tŭ dưn hdră kriê dlăng, Klei čih mkra hdră bhiăn tĭng srăng ba mdah 7 mta bruă mâo pŏk mlar wăl anôk ngă bruă klei mrâo hlăm êlan mạng kñăm tă hdră êlan kơ klei hâo hưn, mkŏ mjing dŭm anôk bruă phŭn; mtrŭt mđĭ djăp klei găl mâo hlăm ala ƀuôn čiăng mđĭ kyar bruă klei mrâo; msir mghaih dŭm klei gun kpăk mơ̆ng Hdră bhiăn bruă klei mrâo thŭn 2016, mkra mđĭ hnơ̆ng thâo êpul mă bruă klei mrâo. Tĭng, Klei čih mkra hdră bhiăn bruă klei mrâo (mkra mlih) srăng mâo Anôk bruă kƀĭn ala ksiêm bi mklă ti Klei bi kƀĭn tal 10, Anôk bruă kƀĭn ala gưl XV./.