VOV4.Êđê - Djŏ tuôm kơ bruă dŭm anôk bruă mkra êlan Ngŏ Duôr Čư̆ Prŏng čŏng bi rai ndliê dua Đang dliê knŭk kna mkuôm Čư̆ Yang Sin, čar Dak Lak leh anăn Bi Doup- Núi Bà (čar Lâm Đồng), hruê mbruê 16/5, Êpul mă bruă mơ̆ng bruă kƀĭn ala mâo Thượng tướng Trần Quang Phương, K’iăng Khua bruă kƀĭn ala ngă khua leh anăn dŭm Phŭn dhar bruă gưl dlông nao ksiêm dlăng boh sĭt ti čar Lâm Đồng.

Hlăm 2 hruê 16 leh anăn 17 mlan 5, Êpul mă bruă ksiêm dlăng boh sĭt hdră bruă Ngŏ Duôr Čư̆ Prŏng, leh anăn mâo mmông mă bruă hŏng čar Lâm Đồng. Êlâo anăn, Sang mđung asăp blŭ Việt Nam hâo hưn leh, knhal jih mlan 1, akŏ mlan 2 thŭn 2022, dŭm anôk bruă djŏ tuôm dua čar Dak Lak leh anăn Lâm Đồng ƀuh dŭm anôk bruă rŭ mdơ̆ng êlan Ngŏ Duôr Čư̆ Prŏng čŏng bi rai dliê, čuk hli êbeh 10 km găn 2 Đang dliê Knŭk kna mkuôm Čư̆ Yang Sin, čar Dak Lak leh anăn Bi Doup- Núi Bà (čar Lâm Đồng). Tal êlâo bi mklă dŭm anôk bruă rŭ mdơ̆ng bi rai dliê hlăk ka mâo anôk bruă mâo klei dưi brei bi mlih hdră kñăm ba yua dliê, đa đa anôk rŭ mdơ̆ng êngao kơ hdră čih mkra mjing. Boh klei anei mâo klei bi knăl ngă soh kjham hŏng hdră bhiăn./.

H’Zawut  pô mblang