Anei jing klei bi êdah ti anôk hâo mdah mơ̆ng klei bi kƀĭn êpul hâo hưn mlan 7/2023, mơ̆ng anôk bruă kiă kriê klei hâo hưn gưl dlông mkŏ mjing aguah mbrue 12/7, ti Hà Nội. K’iăng khua phŭn bruă čuăl mkă duh bi liê Đỗ Thành Trung lač, GDP 6 mlan akŏ thŭn đĭ 3,72%, dôk ti hnơ̆ng tal dua hlăm wưng ƀiă hĭn thŭn 2011-2023.

Siămdah, êjai klei dleh dlan tar rŏng lăn dôk găn, klei duh mkra ala čar drei mâo leh dŭm klei bi knăl jăk, klei prăk luič ênoh dưi kiă kriê. Prăk mơ̆ng knŭk kna hlăk dôk duh bi liê djŏ hdră, mjing klei găl kơ klei duh mkra đĭ kyar. Ƀiădah klei bi mnia mblei hŏng ala tač êngao tuôm hŏng lu klei dleh dlan, kyuadah lu ala čar hyuă kjăp hĭn leh klei prăk kăk pô bi hrŏ klei bi liê. Kơ hdră hlăm 6 mlan knhal jih thŭn čiăng bi mâo hdră êlan ngă bruă jăk hĭn, kñăm bi kjăp bruă duh mkra. Ăt ti anôk bi kƀĭn anei, phung bi ala bruă hŏng tač êngao mơ̆ng gưl dlông hâo hưn kơ "Klei duh mkra dlông rŏng lăn, lehanăn alŭ wăl klei bi mguôp hŏng Việt Nam hlăm 6 mlan êgao lehanăn đăo knăl kơ bruă knuă hlăm 6 mlan knhhal jih thŭn"./.