Khua knŭk kna Anthony Albanese bi mni kơ Khua knŭk kna Phạm Minh Chính tal êlâo nao čhưn ti Australia; bi mni klei đru mguôp jăk mơ̆ng êpul Việt Nam hlăm klei tŭ jing mbĭt mơ̆ng Klei bi kƀĭn gưl dlông bi hdơr 50 thŭn bi hgŭm ASEAN– Australia mkŏ mjing ti Melbourne hruê 05-06/3 mrâo êgao.

Dua khua gĭt gai bi trông hrăm mbĭt bi hgŭm kjăp čiăng ngă 6 hdră êlan prŏng ba klei bi hgŭm hlăm dŭm bruă êlam hĭn, tŭ dưn, klă sĭt hĭn. Leh klei bi trông, dua Khua knŭk kna mâo leh klei hưn mdah mbĭt mđĭ klei bi hgŭm jing ƀĭng hgŭm kluôm plah wah dua tĭng leh anăn dlăng klei mđup brei 11 hră mơar bi hgŭm hlăm bruă sang hră mtô bi hriăm, răng mgang klei êđăp ênang; răng mgang phung blei yua; mđĭ bruă mnia blei, bi liê, kreh knhâo - kdrăp mrâo, mlih mrâo mbruă, ngăn prăk, ksiêm hriăm kreh knhâo čiăng mđĭ kyar bruă lŏ hma, kan hdang, mnuih mă bruă, ngăn dŏ wăl hdĭp mda; leh anăn êa pui, mnơ̆ng hlăm gŭ lăn./.