Hlăm wưng êgao, hlue si klei mtă mơ̆ng Êpul gơ̆ng răng kriê klei suaih pral knuă druh gưl dlông, Khua gĭt gai Đảng Nguyễn Phú Trọng gĭt gai bruă êjai, mdrao mgŭn êjai. Phŭn bruă kđi čar, Anôk dlăng bruă Đảng, phung khua kmeh gơ̆ng leh anăn Khua hlăm Anôk dlăng bruă Đảng gĭt gai dŭm anôk bruă kƀĭn ba nao phung nai prĭn, aê mdrao, phung mă bruă mdrao mgŭn, phung khua anôk bruă leh anăn klei găl jăk hĭn čiăng mdrao mgŭn, kriê dlăng klei suaih pral kơ Khua gĭt gai Đảng.

Truh ară anei, kyua brei mđing pioh hruê mmông kơ Khua gĭt gai Đảng kyuh êyuh mdrao mgŭn leh anăn rơ̆ng bruă gĭt gai mơ̆ng Anôk dlăng bruă Đảng, Phŭn bruă kđi čar, Anôk dlăng bruă Đảng, mơ̆ng Klei bhiăn mă bruă mơ̆ng Anôk dlăng bruă Đảng gưl dlông, Phŭn bruă kđi čar leh anăn Anôk dlăng bruă Đảng gưl XIII, êlâo hĭn, Phŭn bruă kđi čar jao kơ Tô Lâm,  Khua hlăm Phŭn bruă kđi čar, Khua lăn čar gĭt gai bruă mơ̆ng Anôk dlăng bruă Đảng gưl dlông, Phŭn bruă kđi čar, Anôk dlăng bruă Đảng hlue si bruă klam, klei dưi mâo Phŭn bruă kđi čar kčah. Phŭn bruă kđi čar iêô mthưr kluôm Đảng, jih jang mnuih ƀuôn sang leh anăn lĭng kahan đăo knang jihg hnơ̆ng hlăm klei gĭt gai mơ̆ng Đảng, knŭk kna kriê dlăng, mđĭ klei bi hgŭm, tŭ ư, hrăm mbĭt sa ai, lŏ dơ̆ng mđĭ lar klei tŭ yuôm bhăn, kluôm mơ̆ng lăn čar mâo leh, gĭr ktưn găn djăp klei dleh dlan, lông dlăng, bi leh jăk hdră kñăm Klei bi kƀĭn Đảng kluôm ala tal XIII kčah leh, krơ̆ng kjăp klei êđăp ênang kđi čar, răng mgang kjăp klei êngiê, klei dưi, kluôm ênŭm lăn čar leh anăn klei êđăp ênang ala čar, ala ƀuôn, mđĭ kyar bruă duh mkra - ala ƀuôn, kriê dlăng jăk klei hdĭp mda ai tiê, mnơ̆ng dhơ̆ng kơ mnuih ƀuôn sang.