Blŭ hlăm klei kƀĭn, Khua knŭk kna Phạm Minh Chính mñă klă, drei hmư̆ leh dŭm klei bi mguôp klă hŏng boh sĭt leh anăn klei hưn mdah mơ̆ng phung bi ala dŭm knơ̆ng bruă, phung duh bi liê. Boh nik dưi hmư̆ leh k’iăng Khua knŭk kna China Lưu Quốc Trung blŭ hrăm, hlăm anăn mâo dŭm hdră tă, hdră êlan mtrŭt mđĭ klei mjĕ giăm mnia mblei, duh bi liê plah wah 2 ala čar.

Khua knŭk kna mtă kơ phŭn bruă Hdră êlan leh anăn duh bi liê, Phŭn bruă tuh tia leh anăn dŭm anôk bruă djŏ tuôm mơ̆ng Việt Nam mjêč bi mklin, mđing hmư̆ dŭm klei blŭ mguôp čiăng ksiêm dlăng, bi kluôm hdră ngă bruă, klei bhiăn ala čar, bi hơĭt wăl duh bi liê mnia mblei, mbĭt anăn lŏ mtă kơ dŭm phŭn, dhar bruă djŏ tuôm 2 ala čar mjêč ksiêm dlăng, bi kluôm dŭm klei kuôl kă, hdră bi mguôp čiăng mkŏ mjing klei găl kơ knơ̆ng bruă, hlăm anăn mâo knơ̆ng bruă mơ̆ng China.