Klei kƀĭn anei mâo Anôk bruă sang čư̆ êa čar Khánh Hòa bi hgŭm hŏng Phŭn bruă hŏng tač êngao, Anôk bruă bi ala Indonesia mkŏ mjing, hŏng êbeh 350 čô bi ala. Ară anei, hlăm ASEAN, Indonesia jing ƀĭng hgŭm bruă mnia mblei prŏng tal 3 mơ̆ng Việt Nam, bi Việt Nam jing ƀĭng hgŭm bruă prŏng tal 4 mơ̆ng Indonesia.

Hlăm wưng êgao, ênoh prăk bi mnia mblei dua nah plah wah dua ala čar đĭ, mơ̆ng 9 êklai đolar Mi hlăm thŭn 2019 đĭ 14 êklai đolar hlăm thŭn 2023. 2 ala čar dôk bi hgŭm hlăm lu mta bruă msĕ si lŏ hma – mnơ̆ng hlăm êa, hiu čhưn, mjĕ mjuk mnuih ƀuôn sang, mjuăt bi hriăm… Ti anôk bi kƀĭn, phung khua čar Khánh Hòa lehanăn phung bi ala mơ̆ng Indonesia bi trông kơ bruă mđĭ hĭn hdră bi hgŭm hlăm bruă lŏ hma msĕ si kdrăp mrâo, mnơ̆ng rông hlăm êa h’ĭt kjăp, bruă duh mkra mrô lehanăn bi hgŭm hlăm hdră hiu čhưn ênguê, mtrŭt mdid\ hdră ba čhĭ mnơ̆ng kơ ala tač êngao./.