Êma thŭn êgao, hdră bi lông ktưn phung lĭng kahan hđăp bi hmô čar Kon Tum mkŏ mjing mơak mñai, kluôm, knuă druh, lĭng kahan hđăp myơr êbeh 34.200m2 lăn, đru mguôp dŭm êbâo hruê ai mkra wĭt, mkra mrâo 200km wwlan krĭng ƀuôn sang, mnuôr êa, lui hĕ 500 boh sang dôk êjai, ngă mrâo 44 boh sang klei khăp lĭng kahan hđăp bi hgŭm, êbeh 800 klei bi hmô đang war, êpul hgŭm bruă, knơ̆ng bruă mơ̆ng phung lĭng kahan hđăp bi lar ai tiê găn klei dleh dlan, mđĭ kyar klei hdĭp mda.

Blŭ hrăm hlăm klei kƀĭn, Thượng tướng Bế Xuân Trường, khua kiă kriê Êpul hgŭm lĭng kahan hđăp čar Kon Tum čih yap, pah mni ai tiê hur har mơ̆ng phung hgŭm hlăm bruă mkŏ mjing, răng mgang Đảng, bruă sang čư êa leh anăn mnuih ƀuôn sang, bi mguôp bi đru mđĭ kyar klei hdĭp mda.