Klei kƀĭn ksiêm wĭt bruă hluê ngă hdră mtrŭn wưng thŭn 2020 – 2025, bi klă bruă klam, mta knăm, hdră êlan kơ wưng thŭn 2025 – 2030. Mbĭt anăn mă klei blŭ mguôp kơ hră mơar Klei kƀĭn kluôm tal 14 mơ̆ng Đảng. Năng mđing hĭn, klei kƀĭn kluôm tal anei amâo ruah êpul khua bruă Đảng mrâo ƀiădah mơ̆ng Phŭn bruă kđi čar ruah mdưm.

Hŏng akŏ “Mkŏ mjing anôk bruă Đảng leh anăn bruă kđi čar kpă ênô, kjăp ktang, bi lar knhuah gru dhar kreh, ai ktang mơ̆ng klei bi mguôp mnuih ƀuôn sang, răng mgang klei êđăp ênang, mtrŭt mđĭ klei kreh knhâo mrâo mrang, iêo jak ai dưi mkŏ mjing čar Gia Lai đĭ kyar”, čar mdưm mta kñăm GRDP đĭ mơ̆ng 10 – 10,5% hlăm sa thŭn, GRDP kah knar grăp čô mâo 6.300 – 6.500 USD, truh thŭn 2030, hnư prăk knŭk kna hrui wĭt êbeh 41.000 êklai prăk.