VOV4.Êđê- Aguah hruê 1/7, ti Cần Thơ, Phŭn bruă Lŏ hma mđĭ kyar krĭng ƀuôn sang mkŏ mjing leh Klei kƀĭn mtrŭt mđĭ bruă ba čhĭ mnơ̆ng lŏ hma, hlăm êa lehanăn hlăm dliê kmrơ̆ng krĭng Dap mnai êa krông Cửu Long kơ krĭng Ơrôp. Truh ară anei, wăl anôk mnia mblei EU jing sa hlăm 4 wăl anôk ba čhĭ mnơ̆ng dhơ̆ng prŏng êdi mơ̆ng Việt Nam lehanăn EU ăt jing 1 hlăm 3 wăl anôk blei yua mnơ̆ng anei lu êdi tar rŏng lăn. Việt Nam ăt jing 1 hlăm 4 ala čar krĭng Asi bi mklă Klei kuôl kă mnia mblei êngiê hŏng EU.

Kyua anăn, klei găl mơ̆ng wăl anôk mnia mblei EU prŏng snăk, đru mđĭ boh tŭ yuôm lehanăn prăk bi mnia mblei, mjing anăn knăl kơ mnơ̆ng lŏ hma hluê hdră kpă mngač, đua klam, h’ĭt kjăp, đru bi mlih klei mĭn “Mơ̆ng bruă ngă lŏ hma jing hdră duh mkra lŏ hma”. Mta kñăm thŭn 2030 ênoh prăk ba čhĭ mta mnơ̆ng dhơ̆ng anei kơ EU mâo mơ̆ng 7,5 truh kơ 8 êklai USD, dŭm mta mnơ̆ng lŏ hma, hlăm êa lehanăn dliê kmrơ̆ng leh mkra mjing ba čhĭ kơ EU mâo hlăm brô 50% lehanăn hưn mthâo hŏng mnuih blei yua ti EU mâo 30%./.

                                                    Pô mblang: H’Nêč Êñuôl