VOV4.Êđê- Hluê hdră kčah, Klei kƀĭn phung bi ala bruă Đoàn êdam êra Cộng sản Hồ Chí Minh anôk bruă lĭng kahan tal X srăng mkŏ mjing hlăm hruê 11 lehanăn 12/10, ti ƀuôn prŏng phŭn Hà Nội, hŏng klei hgŭm mơ̆ng 450 čô bi ala. Klei kƀĭn mâo bruă ksiêm tĭng boh tŭ hdră mă bruă mơ̆ng phung êdam êra anôk bruă lĭng kahan wưng 5 thŭn (2017-2022); bi mklă hdră êlan, mta kñăm, hdră mă bruă wang 5 thŭn (2022-2027); ksiêm wĭt, jao klei pah mni kơ dŭm êpul, mnuih mâo boh tŭ hlăm hdră bruă “Phung êdam êra anôk bruă lĭng kahan mjuăt bi hriăm klei thâo, ba anăp, mĭn mrâo, tŭ jing” wưng thŭn 2017-2022 lehanăn mtrŭt mjhar hdră bi ktưn wưng 2022-2027. Klei kƀĭn srăng đru mguôp klei blŭ hlăm hră m’ar mơ̆ng Anôk kriê dlăng bruă Đoàn gưl dlông tal 11 ba mdah kơ Klei kƀĭn phung bi ala kluôm anôk bruă Đoàn êdam êra Cộng sản Hồ Chí Minh tal 12, ruah phung êdam êra bi ala anôk bruă lĭng kahan nao ti Klei bi kƀĭn anei./.

                                                    Pô mblang: H’Nêč Êñuôl