VOV4.Êđê - Hŏng pruê̆ blŭ: “Jhŏng ktang, Čang hmăng, ba anăp, mĭn mrâo”, aguah hruê 12/10, 450 čô bi ala phung êdam êra kluôm anôk bruă kahan nao leh ti Klei kƀĭn phung bi ala bruă Đoàn Êdam êra Cộng sản Hồ Chí Minh anôk bruă kahan tal 10, wưng thŭn 2022-2027. Blŭ ti knăm anei, bi ala Anôk bruă kahan gưl dlông, Khua hlăm Phŭn bruă lĭng kahan, Đại tướng Phan Văn Giang čih pioh lehanăn bi mni klei blŭ đru mguôp lehanăn đĭ hriê kơ prŏng mơ̆ng êpul êdam êra anôk bruă kahan; Mbĭt anăn mñă bruă klam mơ̆ng anôk bruă hlăm wưng mrâo hŏng phung êdam êra. Lač klă 5 bruă phŭn kñăm mđĭ lar ai ktang, bruă klam ba anăp, mĭn mrâo mơ̆ng phung êdam êra lehanăn êpul bruă đoàn, hlăm anăn Đại tướng Phan Văn Giang brei mđĭ hĭn hdră mjuăt bi hriăm bruă klam kđi čar, klei mĭn, knhuah hdĭp, knhuah mă bruă phung êdam êra, gĭr bi leh bruă klam mâo kčah jao, đru mkŏ mkra lehanăn răng mgang kjăp ala čar Việt Nam yang ƀuôn ngă phŭn./.

VOV TâyNguyên/Pô mblang: H’Nêč Êñuôl