Nao hlăm klei kƀĭn mâo 178 čô bi ala jing phung knuă druh, phung êdam êra êdah êdi bi ala kơ êbeh 151.000 čô êdam êra ti čar Dak Nông. Wưng thŭn 2024 – 2029, hŏng akŏ “Êdam êra Dak Nông Bi mguôp – nao êlâo – hmăng hmưi – đĭ kyar”, Êpul hgŭm phung êdam êra čar Dak Nông lŏ dơ̆ng hluê ngă lu hdră êlan mkŏ mjing  gưl phung êdam êra mâo klei mĭn bruă cách mạng, mâo klei jhŏng, bŏ hŏng klei khăp kơ lăn čar, mâo ai tiê bruă klam hŏng lăn čar, ƀuôn sang.

Êpul bruă êdam êra čar Dak Nông mkŏ mjing  klei găl hriăm mjuăt, mă bruă knuă, hlăp lêñ čiăng kơ phung êdam êra đĭ kyar jăk, kluôm dhuôm, nao êlâo, mbruă, răng mgang lăn čar leh anăn mđĭ kyar bruă duh mkra ala ƀuôn.