Blŭ hrăm hlăm klei kƀĭn, Khua knŭk kna Phạm Minh Chính brei thâo, hlăm wưng mrâo, mâo lu ala čar tuôm hŏng klei dleh dlan hlăm bruă bi mdrơ̆ng hŏng klei bi mlih yan adiê, kyuanăn đa đa ala čar mâo klei tĭng srăng kdŭn hlăm bruă hluê ngă dŭm klei ƀuăn mơ̆ng pô hlăm klei kƀĭn COP 26. Ƀiădah, klei đĭ kyar mtah, mlih pui kmlă, bi hrŏ êwa čhŏ jing klei êlâo êdei, amâo dưi bi mklăk, anei jing mta phŭn bi klă leh hlăm klei kƀĭn COP 28.

Khua knŭk kna Phạm Minh Chính mñă ktang, bruă hluê ngă dŭm klei ƀuăn rơ̆ng mơ̆ng Việt Nam hlăm klei kƀĭn COP 26 čiăng kơ klei ngă bruă ktang phĭt, mâo klei gĭr hĭn čiăng iêo mthưr grăp ai dưi ngă hdră. Khua knŭk kna mñă kơ phung khua hlăm Êpul kiă kriê brei klei blŭ mguôp mkra mlih hdră bhiăn mkŏ mjing mklei găl duh bi liê mơ̆ng knơng bruă, mơ̆ng ala čar tač hlăm klei mlih pui kmlă leh anăn dŭm boh klei mkăn mâo phung khua hlăm êpul kiă kriê, dŭm Phŭn, dhar bruă, alŭ wăl uêñ mĭn, rơ̆ng ngă djŏ hdră kčah, hnơ̆ng tŭ jăk mơ̆ng gưl kƀĭn.