Blŭ bi ruê̆ gưl kƀĭn, Khua bruă kƀĭn ala Vương Đình Huệ mñă klă, thŭn 2024 jing thŭn tur knơ̆ng, mâo boh tŭ dưn yuôm bhăn hlăm bruă hluê ngă tŭ jing mơ̆ng jih wưng păn bruă. Kyuanăn srăng lŏ dơ̆ng mđing tal êlâo mtrŭt mđĭ klei đĭ kyar bruă duh mkra, rơ̆ng hơĭt bruă duh mkra hnơ̆ng prŏng, ksiêm dlăng klei prăk luč ênoh, nao klă hŏng mta kñăm, klei čuăn mlih mrâo, mkŏ wĭt bruă duh mkra, bi hơĭt wăl duh bi liê mnia mblei, mđĭ hnơ̆ng mkra mjing, boh tŭ dưn, hnơ̆ng tŭ jăk, ai bi ktưn leh anăn ai dưi mơ̆ng hlăm hlăm bruă duh mkra, hluê si tur knơ̆ng mtrŭt mđĭ dŭm klei kdlưn hĭn dŭm hdră êlan.

Khua bruă kƀĭn ala mñă klă, lŏ dơ̆ng ksiêm dlăng, bi kluôm hdră kiă kriê, hdră bhiăn lăn čar, dŭm hdră êlan, klei čuăl mkă, hdră êlan lăn čar, krĭng, dhar bruă, čar nao mbĭt hŏng bruă mtrŭt mđĭ klei mlih mrâo hră mơar knŭk kna. Khua bruă kƀĭn ala Vương Đình Huệ ăt mñă klă, dŭm gưl, dhar bruă gĭr hluê ngă tŭ dưn dŭm hdră êlan bi hơĭt klei hdĭp yang ƀuôn, kriê dlăng klei hdĭp mnuih ƀuôn sang mprăp jăk dŭm klei găl đru kơ mnuih ƀuôn sang drông thŭn mrâo 2024 leh anăn Tết Nguyên đán Giáp Thìn, rơ̆ng kơ grăp sang, grăp čô dưi mơak yan mnga, drông tết trei mđao.