Klei kƀĭn dưi mkŏ êlan online hŏng anôk bruă bruă sang čư êa 28 čar, ƀuôn prŏng ktuê hang ksĭ leh anăn dŭm phŭn, dhar bruă djŏ tuôm. Blŭ hrăm hlăm klei kƀĭn, k’iăng Khua knŭk kna Trần Lưu Quang mñă klă, boh jhat mơ̆ng bruă amâo mâo dưi lui hră kñĭ EC leh anăn mâo hră hrah amâodjŏ knŏng hmăi kơ bruă duh mkra ƀiădah lŏ ngă kơ kơhưm Việt Nam toh hroh kjham, dhar bruă kan hdang năng ai srăng tuôm hŏng dŭm klei arưp aram msĕ si hră kñĭ ti dŭm anôk mnia mblei mkăn êngao kơ EU.

K’iăng Khua knŭk kna mnă kơ dŭm êpul êya djŏ tuôm ngă hdră bhiăn ti êa ksĭ mđĭ hĭn bruă ksiêm dlăng, gak răng, amâo mâo brei sa boh kŭm păn mă kang ngă soh ti krĭng ksĭ ala tač êngao. Phŭn bruă kahan ksiêm ksiêm duah, bi klă dŭm boh klei djŏ tuôm hŏng klei ngă soh, bi klă hră mơar, tui duah phung ngă soh, ba kŭm păn, phung mă kan hdang Việt Nam nao mă kan hdang soh hŏng hdră bhiăn ti krĭng ksĭ ala tač êngao.