Blŭ bi klă hlăm klei kƀĭn, Khua knŭk kna Phạm Minh Chính bi mni kơ dŭm klei blŭ mguôp klă sĭt, jih ai tiê, mâo bruă đua klam leh anăn klă hŏng boh sĭt mơ̆ng phung bi ala kơ grăp mta phŭn mlih mrâo klei ngă hră mơar knŭk kna.

Hŏng klei gĭr ktưn, ngă bruă ktang phĭt, tŭ dưn, Khua knŭk kna mñă kơ dŭm Phŭn, dhar bruă, alŭ wăl, phung khua hlăm Êpul gĭt gai mđĭ hĭn ai tiê bruă klam, bi lar ai êwa dôk mâo, lŏ dơ̆ng rơ̆ng kjăp, hluê ngă mtam dŭm bruă klam, hdră êlan mtrŭt mđĭ klei mlih mrâo ngă hră mơar knŭk kna hŏng hdră klă klơ̆ng, ba wĭt boh tŭ dưn klă sĭt, klă mngač, thâo tĭng mkă, bi hrŏ ênoh bi liê kơ mnuih ƀuôn sang leh anăn knơ̆ng bruă, mđĭ ai dưi bi ktưn mơ̆ng mnơ̆ng dhơ̆ng leh anăn bruă duh mkra, đru hluê ngă tŭ jing dŭm mta kñăm, bruă klam mđĭ kyar bruă duh mkra ala ƀuôn thŭn 2024 leh anăn dŭm thŭn kơ anăp.