VOV4.Êđê - Hruê mbruê, ti Hà Nội, Khua bruă kƀĭn ala Vương Đình Huệ gĭt gai lehanăn blŭ hrăm ti Klei kƀĭn trông bruă Duh mkra – ala ƀuôn Việt Nam thŭn 2022. Blŭ ti knăm anei, Khua bruă kƀĭn ala lač snei: Klei kƀĭn trông mñă klă bruă bi kjăp tur knơ̆ng bruă duh mkra kluôm, mđĭ ai dưi mdrơ̆ng lehanăn čŏng pô kpưn đĭ mơ̆ng hdră duh mkra jing mta kñăm mrô sa.

Klei kƀĭn trông ăt bi tŭ ư brei bi leh klei bhiăn, hdră mtrŭn, boh nik klei bhiăn djŏ tuôm kơ bruă lăn ala. Leh mjưh ruê̆ Klei kƀĭn trông, Anôk bruă mkŏ mjing srăng čih mkra Hră hưn mdah kluôm ba m’ĭt kơ Anôk bruă kƀĭn ala, Knŭk kna, dŭm Phŭn, dhar bruă, alŭ wăl čiăng mkăp kơ Klei bi kƀĭn tal 4, Anôk bruă kƀĭn ala gưl XV lehanăn hdră čuăl mkă, hkuê ngă hdră êlan mtrŭn mđĭ kyar bruă duh mkra – ala ƀuôn mơ̆ng lăn čar./.

H’Nêč pô mblang