VOV4.Êđê - “Dŭm anôk bruă klei mrâo, čih mkra srăng čŏng mkăp brei klei hưn, klei thâo, hmâo thâo dŭm hdră êlan, mbruă, mâo boh tŭ dưn leh anăn mâo mta kñăm, boh nik hlăm dŭm klei phung ktuê dlăng dôk mđing”. Anei jing klei mtă mơ̆ng khua hlăm êpul bruă Đảng gưl dlông, Khua êpul bruă hâo hưn gưl dlông Nguyễn Trọng Nghĩa, hlăm klei kƀĭn trông bruă klei mrâo thŭn 2022 mkŏ mjing tlam mbruê 8/8, ti Hà Nội. hlăm klei kƀĭn, phung bi ala mâo klei bi trông, klei kah mbha čiăng mđĭ hĭn klei bi mguôp hlăm bruă gĭt gai, ktrâo lač, hưn mthâo klei mrâo hrăm mbĭt, djŏ mmông, mđĭ hĭn boh tŭ dưn, klă sĭt, mâo mta kñăm, mgaih msir dŭm klei dôk mâo, klei dleh kpăk hlăm bruă klei mrâo.

Y-Ƀel pô mblang