VOV4.Êđê- Aguah mbruê, ti Hà Nội, Knơ̆ng ksiêm hriăm bruă kreh knhâo yang ƀuôn Việt Nam mkŏ mjing leh Klei kƀĭn trông “Bruă kreh knhâo yang ƀuôn lehanăn klei tŭ jăk leh 10 thŭn hluê ngă Hdră mtrŭn 20 mđĭ kyar bruă kreh knhâo lehanăn kdrăp mrâo”. Hluê phung bi ala, Hdră mtrŭn 20 mjing leh klei găl, boh kdrŭt mđĭ kyar bruă kreh knhâo, kdrăp mrâo kluôm ala.

Anôk bi kƀĭn

Mơ̆ng anăn đru mđĭ klei thâo kiă kriê mơ̆ng Đảng lehanăn klei tŭ ngă bruă mơ̆ng anôk bruă kđi čar, mlih mrâo gru hmô mđĭ kyar bruă duh mkra, krơ̆ng kjăp klei êđăp ênang bruă kđi čar lehanăn mdah hdră mtrŭn mrâo, mđĭ hnơ̆ng tŭ hdră mă bruă, ai bi ktưn mơ̆ng hdră duh mkra, mđĭ kyar dŭm êpul ngă bruă. Khă snăn, hlăm bruă hluê ngă Hdră mtrŭn anei dôk mâo lu klei gun kpăk. Lu hdră mă bruă mơ̆ng phung kreh knhâo amâo dưi yap jing bruă kreh knhâo; brei lŏ mlih mrâo klei mĭn, klei thâo săng kơ bruă klam mơ̆ng bruă kreh knhâo yang ƀuôn, brei duh bi liê năng hŏng klei yuôm mơ̆ng anôk bruă, mđĭ klei thâo êpul thơ̆ng kơ bruă, ngă bi sĭt hdră mtrŭn, hdră bhiăn kñăm msir mghaih klei dôk mâo hlăm Hdră mtrŭn 20./.

                                                    Pô mblang: H’Nêč Êñuôl