Hlăm klei kƀĭn phung bi ala mâo leh klei bi trông, ba mdah lu hdră êlan mđĭ kyar bruă duh mkra ala ƀuôn 6 mlan knhal jih thŭn. Hlăm anăn, kñăm kơ dŭm hdră êlan mtrut mđĭ bruă mkŏ mkra mơ̆ng knŭk kna leh anăn brei čan duh bi liê bruă knŭk kna, mđing tal êlâo dŭm hdră hlăm 3 hdră ala čar kñăm, hdră krŭ wĭt leh anăn mđĭ kyar bruă duh mkra ala ƀuôn, bruă ruh mgaih anôk ala rŭ mjing êlan dơ̆ng pral Ƀuôn Ama Thuôt – Khánh Hoà.

Mtrŭt mđĭ ktang hdră jing kang mnuih ƀuôn sang răng mgang klei êđăp ênang. Blŭ hlăm klei kƀĭn, Khua bruă Đảng čar Dak Lak Nguyễn Đình Trung mñă klă, hlăm wưng kơ anăp, gưl bruă Đảng nah gŭ, bruă sang čư êa dŭm gưl, dŭm dhar bruă lŏ nao klă hŏng bruă klam kđi čar mơ̆ng čar, lŏ dơ̆ng mlih mrâo, mđĭ hnơ̆ng tŭ jăk, boh tŭ dưn klei gĭt gai, ksiêm dlăng, mtrŭt mjhar hluê ngă dŭm hdră mtrŭn, asăp mtrŭn mơ̆ng gưl dlông, mơ̆ng čar.