Hưn mdah hlăm klei kƀĭn trông, k’iăng khua Phŭn bruă hdră êlan leh anăn duh bi liê Trần Duy Đông brei thâo, knŭk kna mrâo ba mdah hdră mtrŭn mrô 66 kơ hdră ngă bruă mơ̆ng knŭk kna hluê ngă hdră mtrŭn mrô 41 mơ̆ng Phŭn bruă kđi čar.

Hluê anăn, mta kñăm mơ̆ng ară anei truh thŭn 2030, mâo ƀiă êdi 2 êklăk knơ̆ng bruă, hlăm anăn mkŏ mjing leh anăn mđĭ kyar lu phung mnia mblei gĭt gai dŭm knơ̆ng bruă duh mkra, mâo klei găl, ai ktang bi ktưn hlăm anôk mnia mblei hlăm leh anăn êngao lăn čar, bi lar bruă klam pŏk êlan, ktrâo atăt dŭm mta bruă yuôm bhăn mơ̆ng bruă duh mkra. Blŭ gĭt gai klei kƀĭn trông, Khua êpul bruă hâo hưn gưl dlông Nguyễn Trọng Nghĩa mñă klă, mñă kơ hdră mtrŭn mrô 41 mơ̆ng Phŭn bruă kđi čar hnưm nao hlăm klei hdĭp, lŏ dơ̆ng mlih mrâo hdră mkŏ mjing, hluê ngă, kñăm ktuê dlăng, mtrŭt mjhar, ksiêm dlăng, mprăp dŭm klei găl, ai dưi hŏng klei gĭr bruă kđi čar, gĭr hluê ngă tŭ jing hdră mtrŭn.