VOV4.Êđê - Hlăm hdră bi tuôm Gia Lai – Japin thŭn 2022, hruê 22/5 mbruê, Knơ̆ng bruă ksiêm dlăng bruă hŏng tač êngao čar Gia Lai bi hgŭm hŏng Anôk kriê dlăng hdră bruă hŏng tač êngao lehanăn Klei bi kbiƀn lu ala čar - - FSC (Knơ̆ng bruă ksiêm dlăng bruă hŏng tač êngao ƀuôn prŏng Hồ Chí Minh) lehanăn Anôk bruă bi mjĕ mjuk Việt Nam – Japon mkŏ mjing leh Klei bi kƀĭn trông “Klei găl mâo hlăm hdră duh bi liê plah wah Gia Lai lehanăn dŭm alŭ wăl mơ̆ng Japon” ti Pleiku.

 Ti knăm anei, Shimizu Akira – Khua anôk bruă bi hgŭm hŏng ala tač êngao Japon (JICA) bi êdah klei čang hmăng, Gia Lai srăng lŏ mkra mlih dŭm bruă mâo anôk bruă duh mkra Japon ba mdah kñăm bi h’ĭt ai duh bi liê hlăm wưng sui. Hồ Phước Thành – K’iăng khua anôk bruă sang čư̆ êa čar Gia Lai brei thâo, bruă mtrŭt mđĭ hdră jak iêu klei duh bi liê hlăm bruă lŏ hma, bruă mkra mjing, bruă pui kmlă êran hŏng ai angĭn, hŏng pil yang hruê lehanăn bruă hiu čhưn ênguê dưi bi mklă jing sa hlăm dŭm bruă klam phŭn hlăm wưng thŭn 2020-2025. Gia Lai čang hmăng, jak iêu anôk bruă duh mkra ala tač êngao, hlăm anăn mâo Japon hriê duh bi liê hlăm alŭ wăl./.

H’ Nêč pô mblang