VOV4.Êđê- Aguah mbruê 18/5, ti anôk bruă Đảng gưl dlông, êpul khua bruă Đảng mkŏ mjing leh klei kƀĭn trông kluôm ala hyuă kjăp leh anăn hluê ngă hdră mtrŭn mrô 06 hruê 04/01/2022 mơ̆ng phŭn bruă kđi čar kơ bruă čuăl mkă, mkŏ mjing klei ksiêm dlăng leh anăn mđĭ kyar ƀuôn prŏng Việt Nam truh thŭn 2030, hdră tă truh thŭn 2045. Võ Văn Thưởng, khua hlăm phŭn bruă kđi čar, khua hlăm êpul bruă Đảng nao hgŭm leh anăn blŭ hlăm klei kƀĭn. Blŭ hlăm klei kƀĭn, Võ Văn Thưởng mtă kơ gưl bruă Đảng nah gŭ, phung knuă druh, đảng viên srăng hyuă kjăp, bi klă klei mĭn ngă bruă hlăm klei ksiêm dlăng, čuăl mkă ƀuôn prŏng, mbĭt anăn hnưm mkŏ mjing hdră êlan, bi klă dŭm hnơ̆ng čuăn hlăm hdră mtrŭn, ai tiê jing rơ̆ng klei čuăl mkă hrăm mbĭt mâo hnơ̆ng tŭ jăk, mă hnơ̆ng anak mnuih jing mta kñăm.

         Pô mblang: Y-Khem Niê