Anei jing klei hưn dưi ba mdah hlăm klei kƀĭn trông kluôm ala ksiêm wĭt bruă ksiêm dlăng, ktuê dlăng 6 mlan akŏ thŭn leh anăn hluê ngă bruă klam năm mlan knhal jih thŭn anei. Khua hlăm phŭn bruă kđi čar, Khua hlăm bruă Đảng gưl dlông, khua kiă kriê dhar bruă ksiêm dlăng gưl dlông Trần Cẩm Tú gĭt gai klei kƀĭn.

Blŭ hrăm hlăm klei kƀĭn, Trần Cẩm Tú brei thâo: Hlăm klei ksiêm dlăng đru mđĭ ai dưi gĭt gai, ai ktang mơ̆ng êpul bruă Đảng leh anăn gang mkhư̆ dŭm klei toh hroh hlăm klei mĭn, bruă kđi čar, knhuah hdĭp mơ̆ng đa đa phung knuă druh, đảng viên. Trần Cẩm Tú mtă kơ dhar bruă ksiêm dlăng gưl dlông leh anăn dŭm gưl čŏng pô hluê ngă dŭm hdră êlan, bi kluôm, mđĭ hnơ̆ng tŭ jăk êpul knuă druh ksiêm dlăng dŭm gưl.