Čiăng mprăp kơ klei kƀĭn trông, dŭm anôk bruă djŏ tuôm mkŏ mjing leh hdră êlan, truh kơ ară anei tŭ mă leh 70 klei čih hlăk mblang. Mta phŭn klei hlăk mblang kñăm bi klă dŭm hdră êlan leh anăn klei gĭt gai mơ̆ng Đảng hlăm klei kdơ̆ng mblah hŏng Prăng, boh nik jing klei mĭn hdră êlan mơ̆ng Đảng, khua gĭt gai Hồ Chí Minh, Knơ̆ng gĭt gai lĭng kahan gưl dlông, Phŭn bruă lĭng kahan leh anăn čŏng pô mprăp kơ klei bi blah mơ̆ng lĭng kahan leh anăn mnuih ƀuôn sang drei hlăm klei kdơ̆ng mblah Điện Biên Phủ thŭn 1954. Ksiêm duah bi klă hdră kdơ̆ng mblah, phŭn agha mâo klei dưi, boh tŭ dưn hƀuê ênuk leh anăn dŭm klei hriăm mơ̆ng klei mblah dưi Điện Biên Phủ.

Klei kƀĭn trông mĭn tĭng srăng dưi mkŏ mjing ti hruê 27/3/2024 kơ anăp, đru mđĭ klei thâo săng, bruă klam mơ̆ng phung knuă druh, phung nai, phung hriăm, phung mă bruă, lĭng kahan mơ̆ng Anôk bruă hriăm bruă kđi čar, Phŭn bruă lĭng kahan leh anăn knuă druh, phung mă bruă mơ̆ng Anôk bruă hƀuê ênuk Đảng, Anôk bruă bi hriăm bruă kđi čar ala čar Hồ Chí Minh leh anăn Klei mrâo lĭng kahan yang ƀuôn hŏng bruă mkŏ mjing leh anăn răng mgang ala čar Việt Nam yang ƀuôn ngă phŭn hlăm wưng mrâo.