VOV4.Êđê- Kñăm đru bi klă klei yuôm bhăn kreh knhâo – klă hŏng boh sĭt mơ̆ng klei mĭn Hồ Chí Minh kơ bruă mđĭ hĭn klei mĭn bruă cách mạng, lăm lui jih klei knŏng mĭn mă kơ pô, tŭ drông klei bi hdơr 132 thŭn hruê kkiêng khua gĭt gai Hồ Chí Minh, aguah mbruê 12/5, ti Hà Nội mkŏ mjing leh klei kƀĭn trông klei kreh knhâo, rang mdah rup leh anăn hdruôm hră “Mđĭ hĭn klei mĭn bruă cách mạng, lăm jih klei knŏng mĭn mă kơ pô hluê si klei mĭn, knhuah hdĭp Hồ Chí Minh”.

 Võ Văn Thưởng, khua hlăm phŭn bruă kđi čar, khua êpul bruă Đảng nao hgŭm leh anăn gĭt gai klei kƀĭn anei. Dŭm klei ksiêm êmuh hlăm klei kƀĭn dưi bi klă leh klei yuôm bhăn mơ̆ng klei mĭn, knhuah hdĭp Hồ Chí Minh kơ dŭm boh klei hlăm bruă krŭ kdơ̆ng Việt Nam, bruă klam, tur knơ̆ng klei mĭn ktrâo êlan mơ̆ng klei mĭn, knhuah hdĭp Hồ Chí Minh hŏng bruă mkŏ mjing Đảng hlăm klei mĭn knhuah hdĭp mơ̆ng êlâo truh kơ ară anei leh anăn kơ ênuk mrâo.

Pô mblang: Y-Ƀel Êban