Klei hưn hlăm klei kƀĭn trông brei ƀuh, hlăm thŭn 2023 Êpul bruă hâo hưn gưl dlông mâo nanao klei mlih mrâo hlăm mta phŭn, hdră ngă bruă hŏng ai tiê gĭr ktưn, mjêč, djŏ hŏng hdră bhiăn, mâo bruă đua klam.

Mđĭ hĭn klei ktuê dlăng nah gŭ, thâo klă boh sĭt, hmao ruh mgaih dŭm klei dleh dlan, kpăk gun čiăng mđĭ hnơ̆ng tŭ jăk, boh tŭ klei ngă bruă. Blŭ hlăm klei kƀĭn trông, Khua êpul bruă hâo hưn gưl dlông Nguyễn Trọng Nghĩa mñă klă, hlăm wưng kơ anăp êpul knuă druh, đảng viên, phung mă bruă knŭk kna, mnuih mă bruă lŏ dơ̆ng bi lar bi mguôp, hrăm mbĭt sa ai găn klei dleh dlan, bi lar bruă klam, hluê ngă tŭ jing dŭm bruă klam ba mdah leh hlăm thŭn 2024.