Hluê si klei hưn, thŭn 2022 leh anăn 9 mlan akŏ thŭn 2023, kluôm ênoh prăk mtrŭt mđĭ bruă knuă mơ̆ng 15 čar krĭng kwar krah – krĭng Lăn Dăp Kngư jing 115 êklai prăk. Hlăm anăn, ênoh prăk mơ̆ng ala čar mkăp brei kơ dŭm alŭ wăl jing êbeh 56 êklai prăk, bi adôk mơ̆ng dŭm alŭ wăl. Hluê si klei bi klă mơ̆ng Anôk bruă tuh tia alŭ wăl, Phŭn bruă tuh tia, bruă mtrŭt mđĭ bruă knuă mơ̆ng 15 čar krĭng kwar krah – krĭng Lăn Dăp Kngư dưi hluê ngă lu jơr, ba yua jăk dŭm klei găl bi ktưn mơ̆ng alŭ wăl.

Čiăng ngă bi leh hdră êlan mtrŭt mđĭ bruă knuă mơ̆ng grăp alŭ wăl leh anăn kluôm alŭ wăl hlăm dŭm mlan knhal jih thŭn 2023, dŭm čar čiăng kñăm hlăm dŭm bruă klam msĕ si: ktuê dlăng, mtrŭt mjhar hluê ngă dŭm hdră êlan mtrŭt mđĭ bruă knuă djŏ mmông kčah, mđĭ hĭn bruă ktrâo lač, ksiêm dlăng, ktuê dlăng leh anăn hmao ruh mgaih dŭm klei dleh dlan kpăk gun hlăm bruă hluê ngă dŭm hdră êlan.