Hlăm klei kƀĭn trông, bruă sang čư êa kdriêk Đức Cơ bi klă leh anăn jao hră bi hdơr bi mguôp duh bi liê kơ 7 hdră  mơ̆ng 7 pô duh bi liê hlăm dŭm mta bruă kñăm msĕ si bruă mkŏ mkra, bruă mdrao mgŭn, bruă lŏ hma – mnơ̆ng hlăm dliê. Đức Cơ jing kdriêk nah Yŭ čar Gia Lai, mâo boh tŭ yuôm bhăn hlăm 3 kiêng đĭ kyar Việt Nam – Lào – Campuchia. Yap truh ti thŭn 2023, kdriêk Đức Cơ mâo leh 13.000ha ana ksu, 26.000 ha ana kñŭl, 9.000ha ana kphê, giăm 1.000ha ana durian leh anăn 680ha ana tiu.

Êngao kơnăn, bruă rông mnơ̆ng mơ̆ng kdriêk ăt dôk đĭ hơĭt kjăp. Êngao kơnăn, kdriêk Đức Cơ mâo lu klei găl mđĭ kyar bruă hiu čhưn ênguê, bruă nik jing bruă hiu čhưn ênguê yang ƀuôn. Hŏng dŭm klei găl, ai ktang msĕ sơnăn, kdriêk Đức Cơ tă hdră đĭ kyar leh anăn iêo jak klei duh bi liê hlăm dŭm hdră bruă lŏ hma, mđĭ kyar bruă duh mkra bruă lŏ hma hluê êlan mđĭ ênoh ênil, boh nik jing boh tŭ leh anăn ai dưi bi ktưn mơ̆ng mnơ̆ng dhơ̆ng phŭn mơ̆ng kdriêk hlăm anôk mnia mblei.