Hŏng ai tiê “Bi mguôp, mbruă, ñŭ kma, duh myơr kyua klei đĭ kyar kluôm mơ̆ng phung hđeh, đru mkŏ mjing lăn čar mdrŏng ktang, yâo mơak” Klei kƀĭn trông phung bi ala Êpul răng mgang klei dưi phung hđeh Việt Nam gưl tal 4 wưng thŭn 2023 – 2028 klă klơ̆ng mphŭn pŏk aguah mbruê 1/12 ti Hà Nội. Nao hlăm klei kƀĭn mâo 270 čô bi ala kơ êbeh 110 êbâo čô hgŭm hlăm lăn čar.

Wưng păn bruă êgao, Êpul răng mgang klei dưi kơ phung hđeh Việt Nam leh anăn Lu êpul bruă alŭ wăl mâo leh klei hur har, čŏng pô leh anăn mbruă hŏng lu hdră êlan čiăng mkŏ, hrui mă klei hưn mơ̆ng phung hđeh. Hluê anăn ngă klei ksiêm duah yang ƀuôn, klei kƀĭn trông, klei kƀĭn leh anăn mâo leh giăm 40 êpul êya yang ƀuôn dưi mă klei blŭ hŏng giăm 7 êbâo gưl. Ƀiădah, klei ngă bruă mơ̆ng Êpul wưng păn bruă êgao ăt dôk tuôm hŏng klei dleh dlan, klei dlông dlăng. Klei kƀĭn bi klă srăng lŏ dơ̆ng gĭr mkŏ mjing leh anăn ngă bruă djŏ hŏng klei čuăn, mta kñăm, hluê ngă jăk klei Bhiăn phung hđeh leh anăn dŭm hdră bhiăn djŏ tuôm hŏng phung hđeh. Mbĭt hŏng anăn mđĭ hĭn dŭm mta bruă mlir dhar bruă kơ gang mkhư̆ klei ngă jhat kơ phung hđeh, ngă soh hŏng klei dưi phung hđeh…