VOV4.Êđê- Tlam mbruê 24/1, Phŭn bruă dhar kreh, mjuăt ktang asei mlei leh anăn hiu čhưn ênguê mkŏ mjing leh klei kƀĭn trông bi tŭ ư hdră êlan lŏ wĭt pŏk ƀăng bruă hiu čhưn ênguê hŏng tač êngao, mkŏ mjing êlan online leh anăn klă anăp mkŏ hŏng 20 anôk bi kƀĭn hlăm dŭm čar, ƀuôn prŏng gưl dlông. Hlăm klei kƀĭn trông anăn Phŭn bruă dhar kreh, mjuăt ktang asei mlei leh anăn hiu čhưn ênguê mñă brei drông tuê hiu čhưn ênguê mơ̆ng hruê 1/5 kơ anăp. Yap truh hruê 23/01/2022, Việt Nam drông leh êbeh 8500 čô tuê mơ̆ng ala tač êngao nao hrăm 3 alŭ wăl: Phú Quốc (čar Kiên Giang), Khánh Hòa, Quảng Nam. Truh kơ ară anei, ênoh dŭm knơ̆ng bruă atăt tuê, anôk mjưh mdei leh anăn anôk bruă dŭ mdiăng nao bi klă ƀrư̆ hruê ƀrư̆ lu. Ti anăp dŭm boh tu jăk hlăm wưng lông drông tuê hiu čhưn ênguê mơ̆ng ala tač êngao, hlăm klei kƀĭn anei, phung thơ̆ng kơ bruă bi tŭ ư mtrŭt bi hmar bruă pŏk ƀăng hiu čhưn ênguê hŏng tač êngao.

Pô mblang: Y-Ƀel Êban