Aguah mbruê 8/6, blŭ bi klă gưl ksiêm êmuh, Khua bruă kƀĭn ala Vương Đình Huệ lač, Klei ksiêm êmuh mkŏ mjing hŏng klei êngiê, djŏ hŏng hdră bhiăn, mâo lu klei uêñ mĭn, klei mđing mơ̆ng phung bi ala leh anăn mnuih ƀuôn sang kluôm ala. Hlăm gưl kƀĭn anei, mâo leh 454 gưl čô bi ala Bruă kƀĭn ala bi klă ngă klei ksiêm êmuh, 112 gưl čô bi ala hluê ngă klei dưi ksiêm êmuh, 46 čô bi ala bruă kƀĭn ala bi trông čiăng bi klă dŭm boh klei phung bi ala uêñ mĭn, lŏ bi klă anei jing hdră ktuê dlăng klă anăp, tŭ dưn mơ̆ng bruă kƀĭn ala.

Gưl ksiêm êmuh dưi bi êdah ai tiê bi klă bruă klam, bi kla hdră êlan, ƀiădah dưi tŭ jing jăk mâodah hơăi ăt hluê si boh tŭ klei ngă dŭm klei ƀuăn mơ̆ng knŭk kna, mơ̆ng phung khua êmua knŭk kna.