VOV4.Êđê - Mơ̆ng klei mgei lăn amâo mâo mdei ti kdriêk Kon Plông, car Kontum, hrue mbrue (26/4) Êpul ngă bruă mơ̆ng Phŭn bruă Rŭ Mdơ̆ng nao ksiêm leh ti dŭm anôk bruă hlăm krĭng mâo klei mgei lăn ti kdriêk Kon Plông, lehanăn mâo leh mmông mă bruă hŏng knơ̆ng bruă sang čư̆ êa čar Kontum.

Ti anôk ngă bruă hŏng knơ̆ng bruă sang čư̆ êa čar Kontum, tui si klei bi hâo mdah, lehanăn ênoh mâo ksiêm, k'iăng khua phŭn bruă Rŭ Mdơ̆ng Lê Quang Hùng lač, čiăng ksiêm bi mklă hnơ̆ng mgei lăn, akâo kơ Knơ̆ng bruă ksiêm duah klei kreh knhâo Việt Nam, Anôk bruă ksiêm duah klei kreh knhâo Phŭn bruă rŭ mdơ̆ng mkŏ mjing kdrăp kăp ksiêm dlăng kơ hnơ̆ng mgei lăn ti alŭ wăl hlăm wưng ti anăp. Hŏng knơ̆ng bruă sang čư̆ êa čar Kontum, bruă sang čư̆ êa alŭ wăl bi pral mtă kơ phung kiă kriê dŭm knơ̆ng mbông êa ksiêm hnơ̆ng kjăp djăp knơ̆ng êa, lehanăn mâo hdră răng mgang, ktrâo atăt kơ phung ƀuôn sang mdrơ̆ng hŏng amâo mâo jăk tơdah mâo klei mgei lăn ktang./.

   Y-Khem pô mblang