Mkŏ mjing hlŏng truh kơ hrue 23.12, klei bi lông mjuăt ktang asei mlei Phù đổng čar Gialai tal anei mâo iêo jak leh êbeh 3.100 čô phung nao bi lông hriê mơ̆ng 69 êpul dŭm kdriêk wăl krah, ƀuôn prŏng, lehanăn dŭm boh sang hră gưl 1; 2, gưl 3 kluôm čar. Phung bi lông nao hlăm 3 gưl bi lông: Gưl 1 hŏng 4 klei bi lông, gưl 2 hŏng 12 klei bi lông, lehanăn gưl 3 mâo 11 klei bi lông.

Jing dŭm mta klei bi lông msĕ si: Luê, pah pĕng pŏng, pah boh, čưng boh, pah mlâo mnŭ, hlăm cờ vua, trŭt hlâo, bi lông êran, Karate, Vovinam, Taekwondo, ktŭng klei.  Blŭ pŏk klei bi lông, Khua knơ̆ng bruă sang hră mơar, Khua êpul mkŏ mjing klei bi lông mjuăt ktang asei mlei čar Gia Lai Lê Duy Định mñă: “Klei bi lông mjuăt asei mlei Phù đổng jing bruă prŏng kơ klei bi lông mjuăt asei mlei mơ̆ng phung hđeh hlăm sang hră mơar, jing bruă mjuăt bi hriăm kơ klei mjuăt asei mlei, mđĭ ai ktang, lehanăn mjuăt knhuah hdĭp, čiăng kơ phung hđeh hriăm hră mâo klei đĭ kyar kluôm dhuôm./.