Anei jing thŭn mâo klei čih bi lông lu hĭn mơ̆ng êlâo truh kơ ară anei hŏng 117 klei čih klei mrâo mơ̆ng 78 čô, êpul čih klei mrâo, đĭ 24 klei čih mkă hŏng thŭn dih. Boh tŭ, bruă sang čư êa čar Dak Nông bi klă tŭ yap 54 klei čih mâo mă klei pah mni bruă klei mrâo čar Dak Nông gưl tal 7 thŭn 2022 hlăm 5 mta bruă klei mrâo jing mđung asăp, mđung rup, klei mrâo kđăm hlăm hră, klei mrâo điện tử leh anăn rup klei mrâo.

Võ Ngọc Tú, khua kiă kriê Êpul hgŭm phung čih klei mrâo Dak Nông brei thâo, dŭm klei čih bi lông tal anei mâo klei kdlưn hĭn wăt kơ ênoh leh anăn hnơ̆ng tŭ jăk mkă hŏng dŭm thŭn êlâo. Năng mđing hĭn, lu klei čihi bi êdah klei hrăm mbĭt mơ̆ng bruă klei mrâo hlăm bruă krŭ wĭt, mđĭ kyar bruă duh mkra ala ƀuôn wưng êdei klei ruă tưp Covid-19.