Thŭn anei, 100 čô mnia mblei mda asei êdah êdi dưi pah mni, hlăm anăn mâo 10 čô êdah êdi mâo mă klei pah mni mtŭ hrah - anăn knăl čih yap klei mlih mrâo mbruă, ai dưi kriê dlăng leh anăn đru mguôp kơ yang ƀuôn. Boh nik, Êpul gơ̆ng klei bi lông knhal tuč bi tŭ dưn hưn mdah hŏng Êpul bruă êdam êra gưl dlông Việt Nam ksiêm dlăng mđup brei klei pah mni mtŭ hrah thŭn 2025 kơ sa čô mnia mblei mda asei, ngă klei gĭr ktưn, găn klei dleh dlan čiăng kpưn đĭ hlăm klei hdĭp, ngă bruă duh mkra tŭ dưn leh anăn mâo dŭm klei đru mguôp kơ yang ƀuôn.

Dŭm knơ̆ng bruă hlăm TOP100 mâo ngăn drăp giăm 3 êklăk êklai prăk, hnư hrui wĭt êbeh 310 êbâo êklai prăk, tlă kơ Knŭk kna giăm 21 êbâo êklai prăk leh anăn mkŏ mjing bruă mă kơ giăm 60.000 čô mă bruă. Dŭm ênoh anei lŏ dơ̆ng bi klă bruă klam nao êlâo mơ̆ng êpul phung mnia mblei mda asei hlăm lu mta bruă kmeh gơ̆ng msĕ si bruă tuh tia, ngăn prăk - knơ̆ng prăk, pui kmlă doh, logistics, kdrăp mrâo, sang hră mơar, blei ba yua leh anăn čhĭ mnia sang lăn.